Ուրիշ ի՞նչը կարող է ուրախացնել հոբելյարին, քան ծննդյան տոնին հեքիաթում հայտնվելը
Խոստովանենք, որ բոլորս էլ դեռ վաղ մանկուց ուրախությամբ ենք սպասում մեր ծննդյան տոնին՝ հրաշքի ակնկալիքով: Եվ ուրեմն, մենք բոլորս ունենք ծննդյան օրը հեքիաթում հայտնվելու և երազանքը իրականացնելու հնարավորություն:
Ծննդյան արարողությունները ձևավորելիս մենք հաշվի ենք առնում հոբելյարի տարիքը, սեռը, նախասիրությունները:
Նորածինների ու մանուկների ծննդյան տոնը ձևավորելիս սովորաբար ընտրում ենք ընդունված գույները՝ տղաների դեպքում կապույտ, աղջիկների դեպքում՝ վարդագույն: Սպիտակ, ոսկեգույն կամ արծաթագույն փուչիկներն ավելի շքեղ են դարձնում ձևավորումը, իսկ լույսերն ստեղծում են թեթև, ուրախ ու անհոգ մթնոլորտ:
Երեխաների ծննդյան ձևավորումների համար ընտրում ենք վառ գույներ. վարդագույն, մանուշակագույն, կապույտ, դեղին, նարնջագույն մեծ ու փոքր փուչիկների ողկույզները մանուկներին տեղափոխում են հրաշքների աշխարհ, որտեղ բնակվում են հեքիաթի հերոսները՝ արքայադուստրերն ու արքայազնները, նապաստակն ու արջուկը, մինիոններն ու ծաղրածուները:
Երիտասարդների և ավելի մեծ անձանց հոբելյանի արարողությունը ձևավորելիս գույների ու դեկորների ընտրության հարցում հիմնվում ենք հենց հոբելյարի նախասիրություններին:
Փուչիկներից բացի, ծննդյան ձևավորումների ժամանակ օգտագործում ենք հոբելյարի ամիսների կամ տարիների քանակը նշող լուսադիոդային թվեր ու մոմեր, այլ դեկորներ՝ արև, լուսին ու աստղեր, տիկնիկներ ու կենդանիներ, սրտիկներ ու աստղիկներ…
Ու էլ ի՜նչ ծնունդ առանց հոբելյանական տորթի: Անպայման ունենում ենք գեղեցիկ, համեղ ու թարմ տորթ՝ հոբելյարին ու քաղցրասերներին հաճոյանալու համար:
ՊԱՏՎԻՐԵԼ ԾՆՆԴՅԱՆ ՁԵՎԱՎՈՐՈՒՄ
Դե ինչ, եթե արդեն որոշեցիք, որ ուզում եք անակնկալ մատուցել Ձեր սիրելի հարազատի կամ մտերիմի ծննդյան տոնին, ապա ուղղակի պատմե՛ք մեզ նրա մասին, և Ձեզ հետ միասին կպլանավորենք ամենագեղեցիկ հոբելյանական արարողությունը:
